Paytaxtın Ukrayna dairəsi ərazisində yerləşən piyada keçidinin lifti artıq uzun müddətdir ki, çalışmır. Bu haqda 3 oktyabr tarixində Bakuplus.az ATV-yə istinadən xəbər verir.
Məhz bu səbəbdən sakinlər məcburiyyətdən öz həyatlarını riskə ataraq avtomobil yolundan keçməli olurlar. Onlar bildirirlər ki, liftsiz çoxpilləkənli keçidi keçmək çətindir. Piyadalar deyirlər ki, keçidin liftini daim işlək vəziyyətdə görmək onlara qismət olmayıb. Ya hansısa ehtiyat hissəsi sıradan çıxır, ya da ümumiyyətlə lift işləmir.
“Bir aydan çoxdur ki, lift işləmir. Elə vaxt olur ki, uşaq arabası ilə gəzintiyə çıxırıq. Məcburuq avtomobil yolundan keçək. Qaça-qaça birtəhər özümüzü qoruyuruq”, - sakinlərdən biri narazılığını bildirib.
Faktla bağlı AAYDA bildirib ki, piyada keçidinin lifti hazırda təmirdədir, yaxın günlərdə vətəndaşların istifadəsinə veriləcək.
[caption id="attachment_72843" align="alignnone" width="640"]
Foto ATV-nin rəsmi Youtube kanalı[/caption]
