Paytaxtın Yasamal rayonunda avtomobili nasaz vəziyyətdə idarə edən sürücünün görüntüsü avtomobilin videoregistratoruna düşüb.
Avtosfer.az xəbər verir ki, hadisə ötən ilin oktyabr ayında Dadaş Bünyadzadə küçəsində qeydə alınıb. Belə ki, “VAZ-2121” (“Niva”) markalı avtomobilin sürücüsü maşını nömrəsiz, qapıları və işıqları olmadan idarə edib. Kadrdan da göründüyü kimi, sürücü təkcə özünü deyil, yan oturacaqda əyləşən sərnişini də təhlükəyə atıb. Maşını qapısı olmadan idarə etmək hər şeydən öncə sürücü və sərnişinin çölə yıxılmasına və nəqliyyat vasitəsinin altında qalmasına gətirib çıxara bilər.
Maşını nömrəsiz və işıqsız halda sürmək isə qanunvericiliyə əsasən qadağandır.
