4 dekabr 2015-ci ildə baş vermiş “Günəşli” faciəsindən altı il ötür.
4 dekabr tarixində su altındakı 10 saylı Dərin Dəniz Özülündə qaz kəməri qasırğa səbəbindən zədələnmişdir və nəticədə yanğın baş vermişdir. Faciə nəticəsində ümumi 63 nəfər zərər çəkmiş, onlardan 8-i həlak olmuş, 22-i isə itkin düşmüşdür.
2020-ci ilin may ayında Xəzər dənizində boru kəmərlərinin monitorinqi həyata keçirilən zaman, 190 metr dərinlikdə kəmərin alt hissəsində qəza zamanı itkin düşmüş iki nəfərin meyiti tapılmışdır. Növbəti ayda itkin düşmüş daha iki nəfərin meyiti aşkarlanmışdır.
Hadisə ilə əlaqədar Prezident İlham Əliyevin qərarı ilə Azərbaycanda 6 dekabr matəm günü elan olunmuşdur. Qəza nəticəsində həlak olmuş neftçilərin ailə üzvlərinə dövlət tərəfindən sığorta ödənişləri edilmişdir. 2016-cı il dekabrın 3-də isə faciə qurbanlarının ildönümü ərəfəsində neftçilərin xatirəsinin əbədiləşdirilməsi məqsədilə Çilov adasında abidə ucaldılmışdır.
