10 dekabr 2020-ci ildə Bakının Azadlıq meydanında Vətən müharibəsində Qələbəyə həsr olunmuş Zəfər paradı keçirilib.
Tədbirdə Azərbaycanın Prezidenti İlham Əliyev, birinci xanım Mehriban Əliyeva, Azərbaycanda səfərdə olan Türkiyənin Prezidenti Rəcəb Tayyib Ərdoğan və xanımı Əminə Ərdoğan iştirak ediblər.
Müdafiə Nazirliyinin məlumatına görə, hərbi paradda 3000 nəfərdən artıq azərbaycan və türk zabitləri iştirak edib, 150-ə yaxın hərbi texnika nümayiş etdirilib. Həmçinin tədbirdə Azərbaycan ordusunun düşməndən ələ keçirdiyi hərbi qənimətlərin bir qismi də nümayiş olunub. Qələbəyə həsr olunmuş parada müdafiə nazirinin müavini general-leytenant Kərim Vəliyev komandanlıq edib.
Qeyd edək ki, tədbirdə Azərbaycan Xarici Kəşfiyyat Xidmətinin xüsusi təyinatlıları da iştirak edib. Parad zamanı “Yarasa” Xüsusi Təyinatlı Dəstəsinin mövcudluğu barədə birinci dəfə ictimaiyyətə məlumat verilib.
