“Binə” atçılıq mərkəzinin qapalı arenasında çövkən milli atüstü oyunu üzrə “Şuşa kuboku”nun yekun görüşü keçirilib. Bu haqda bu gün, 6 avqust tarixində Report məlumat verib.
Yarış Azərbaycan Atçılıq Federasiyasının (ARAF) təşkilatçılığı ilə keçirilib.
Finalda "Buta Golden" və "Polad" komandaları üz-üzə gəliblər. Görüşün qalibi 2:1 hesabı ilə “Polad” komandası olub.
Oyundan sonra mükafatlandırma mərasimi keçirilib. Qalib komanda qızıl medal və kubok, ikinci və üçüncü yerləri tutan komandalar isə, müvafiq olaraq gümüş və bürünc medallarla təltif olunublar. Mükafatları ARAF-in prezidenti Elçin Quliyev təqdim edib. Qalib komandaya 10.000 manat, ikinci və üçüncü yerləri tutan komandalara, müvafiq olaraq 7000 və 4000 manat pul mükafatı veriləcək.
[caption id="attachment_56465" align="alignnone" width="800"]
Foto Azərbaycan Atçılıq Federasiyasının rəsmi saytı[/caption]
