Ümumdünya Şahmat olimpiadasında qadın yığmamız erməni rəqiblərinə şans buraxmadı. Bu haqda bu gün, 9 avqust tarixində Bakuplus.az müsabiqənin mətbuat xidmətinə istinadən xəbər verir.
10-cu turun yekununda qadınlardan ibarət komandamız Ermənistan təmislçilərinə 4:0 hesabı ilə qalib gəliblər. Kişilərdən ibarət yığmamız isə 1:3 hesabı ilə məğlub olublar.
Rauf Məmmədov bu turda iştirak etməyib. Onu Rüfət Qədirli əvəz edib. Günay Məmmədzadə isə mərhələni qələbə ilə sonlandırıb.
Sonuncu tur bu gün keçiriləcək. Kişilərimiz Serbiya, qadınlarımız isə Gürcüstan yığması ilə qarşılaşacaqlar.
Hazırda yığmalarımız - kişilər 16-cı, qadınlar isə 3-cü yerdə qərarlaşıblar. Xanımlarımız tarixdə ilk dəfə olimpiada çempionu ola bilərlər.
