Doğuşdan sonra yeniyetmənin ölümünə görə həkim səhlənkarlığı araşdırılır. Bu haqda 15 mart tarixində Oxu.az məlumat verib.
Xəzər rayonu, Binə qəsəbəsində fevralın 4-də 15 yaşlı paytaxt sakini yaşadığı ünvanda ev şəraitində ölü döl doğub, daha sonra onun halı pisləşib və 3 saylı Şəhər Kliniki Xəstəxanasına gətirilib. Yeniyetmə ana orada vəfat edib.
Baş Prokurorluqda yeniyetmənin xəstəxanada həkim səhlənkarlığı səbəbindən ölməsi faktı araşdırılır.
