Qaradağ rayonunun Sahil qəsəbəsində təcili tibbi yardım briqadasının həkiminə hucum olunub. Bu haqda bu gün, 19 yanvar tarixində Bakuplus.az Qafqazinfo-ya istinadən məlumat verir.
20 saylı Təcili Tibbi Yardım Stansiyasına (TTYS) saat 04:00 radələrində çağırış daxil olub. Həkim R.Rzayev küçəsi, bina 20 ünvanındakı mənzilə gələn zaman xəstə tibbi yardımdan imtina edib və həkimin üzərinə bıçaq çıxararaq evi tərk etmələrini tələb edib.
TTYS-nin həkimi Orxan Ovçuyev polisə müraciət edərək bildirib ki, xəstə onu təhqir edib və bıçaqla hədələyib. Hadisənin 37 yaşlı A.Lazarev tərəfindən törədildiyi müəyyən edilib.
Araşdırma aparılır.
