Bakıda və Abşeron rayonunda narkokuryerlik edən şəxs saxlanılıb. Bu haqda bu gün, 10 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polis əməkdaşları tərəfindən keçirilən tədbirlər nəticəsində Ağdam rayon sakini Aslan Hacıyev saxlanılıb. Baxış zamanı ondan 3 kiloqrama yaxın marixuana götürülüb. Onun paytaxtda və Abşeron rayonunda narkotiklərin satışını təşkil etdiyi məlum olub.
Faktla bağlı araşdırma aparılır. Narkotik dövriyyəsinin qarşısının alınması ilə bağlı analoji tədbirlər davam etdirilir.
