Bakı-Quba-Rusiya ilə dövlət sərhədi avtomobil yolunun Dəvəçi kəndindən keçən hissəsində ağır yol qəzası baş verib. Bu haqda bu gün, 1 iyul tarixində Bakuplus.az Report-a istinadən məlumat verir.
"SHACMAN" markalı yük maşını ilə "Mercedes" markalı minik avtomobilinin toqquşması nəticəsində bir nəfər ölüb, üç nəfər yaralanıb.
Bakı şəhər sakinləri - 35 yaşlı Pəri Vəliyeva, 29 yaşlı Seyidağa Səmədov və 40 yaşlı İlqar Abdullayev müxtəlif dərəcəli bədən xəsarətləri alıblar. Onlar Şabran Rayon Mərkəzi Xəstəxanasına aparılıblar.
Qəza zamanı aldığı xəsarətlərdən ölən 30 yaşlı Vahid Əmirlinin meyiti müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin yerli şöbəsinə təhvil verilib.
Qəzaya düşənlərin Gömrük Komitəsinin əməkdaşları olduğu bildirilir. Fakt araşdırılır.
