Bu gün səhər saatlarında baş vermiş ağır avtoqəzada xəsarət alanların bəzilərinin kimlikləri məlum olub. Bu haqda Trend.az məlumat yayıb.
5 nəfər - 54 yaşlı Gülşən Məmmədova, 22 yaşlı Emin Məmmədov, 37 yaşlı Aygül Ağayeva, 57 yaşlı Bağdagül Nağıyeva və Zərifə Əliyeva reanimasiya şöbəsinə yerləşdiriliblər.
4 nəfər isə - 38 yaşlı Nəriman Həsənov, 59 yaşlı Mətanət Əsədova, 61 yaşlı Yeganə Sadıqova və 49 yaşlı Samirə Mənsurova müxtəlif bədən xəsarətləri ilə travmotologiya şöbəsindədirlər.
Daha 7 nəfər yüngül xəsarətlər alıb. İlkin tibbi yardım göstərildikdən sonra onlar evə buraxılıblar.
Qeyd olunan şəxslər 3 saylı Şəhər Klinik Xəstəxanasına yerləşdirilən yaralılardır.
Report.az-ın verdiyi məlumata əsasən yaralılardan birinin dalağı çıxarılıb. Bir nəfərin isə ayağı baldırdan amputasiya olunub.
Bu gün, 13 oktyabr tarixində Heydər Əliyev Beynəlxalq Hava Limanı – Mərdəkan avtomobil yolunun Suraxanı dairəsi adlanan hissəsində ağır yol-nəqliyyat hadisəsi baş vermişdir. Nəticədə 5 nəfər ölmüş, 21 nəfər xəsarət almışdır.
