Azərbaycan Yazıçılar Birliyinin üzvü, tanınmış şair, publisist Balayar Sadiq insultla xəstəxanaya yerlışdirilib. Bu haqda bu gün, 23 oktyabr tarixində Bakuplus.az TƏBİB-yə istinadən məlumat verir.
“Vətəndaş Əliyev Balayar Sadiq oğlu huşsuz vəziyyətdə 22.10.2023 tarixində Təcili Tibbi Yardım avtomobili ilə TƏBİB-nin tabeliyində Kliniki Tibbi Mərkəzə gətirilib”, – məlumatda deyilir.
Müayinə zamanı ona kompüter tomoqrafiyası edilib və işemik insult diaqnozu qoyulub. Bu səbəbdən şairin nitqində problem yaranıb. Xəstə reanimasiya şöbəsinə yerləşdirilib, onun vəziyyəti orta ağırdır.
Balayar Sadiq (Əliyev Balayar Sadıq oğlu) 1965-ci ildə Lerik rayonunda anadan olub. Bakı Dövlət Universitetinin Jurnalistika fakültəsini bitirib. 2004-cü ildə Lənkərandan Bakıya köçüb.
