APA-dan verilən məlumata görə, 8 Noyabr prospektində baş verən qəzada 2 kişinin vəziyyəti açıqlanıb.
21 yaşlı şəxsə başın digər hissələrinin səthi travması, boyunun səthi travması diaqnozları təyin edilib. O, ambulator müalicə üçün evə buraxılıb.
18 yaşlı gəncə isə baş-beyinin ocaqlı travması, döş qəfəsinin səthi travması, boğazın digər və dəqiqləşdirilməmiş travmaları və s. diaqnozlar təyin edilib.
Həkimlərin səylərinə baxmayaraq, o, xəstəxanada keçinib.
09:57 - Aytən Səfərova qəzaya uğrayıb: 1 nəfər dünyasını dəyişib
Bakının Xətai rayonunda tanınmış aparıcının iştirakı ilə ölümlə nətcələnən yol qəzası baş verib. Bu haqda bu gün, 17 aprel tarixində Bakuplus.az Report-a istinadən xəbər verir.
Hadisə 8 Noyabr prospekti ilə Sadıqcan küçəsinin kəsişməsində qeydə alınıb. Aparıcının idarə etdiyi “Hyundai” markalı avtomobillə İsmayıl Məmmədovun idarə etdiyi “Hyundai İX-35” toqquşub.
Daxili İşlər Nazirliyindən (DİN) verilən məlumata görə, İ.Məmmədovun avtomobilində olan sərnişin Ayxan Əliyev yerləşdirildiyi xəstəxanada dünyasını dəyişib.
A.Səfərova isə ağır xəsarətlərlə xəstəxananın travmatologiya şöbəsinə yerləşdirilib.
Faktla bağlı araşdırma aparılır.
[video width="720" height="1280" mp4="https://bakuplus.az/storage/photos/2024/04/29784.mp4"][/video]
