Paytaxtın Nərimanov rayonunda qanunsuz heyvan kəsimi məntəqələri aşkar olunub. Bu haqda bu gün, 25 dekabr tarixində Qida Təhlükəsizliyi Agentliyinin mətbuat xidməti məlumat yayıb.
Keçirilən reyd nəticəsində aşağıdakı ərazilərdə yerləşən obyektlərdə qanun pozuntuları aşkarlanıb:
- A.Məmmədov ilə Ş.Mustafayev küçələrinin kəsişməsində 2 məntəqə;
- Ü.Bünyadzadə ilə R.Axundov küçələrinin kəsişməsində 1 məntəqə;
- Əliyar Əliyev küçəsi 11a ünvanında 1 məntəqə;
- Ş.Mustafayev ilə Çernyayevski küçələrinin kəsişməsində 1 məntəqə;
- V.Maykovski ilə Z. Xəlilov küçələrinin kəsişməsində 1 məntəqə;
- M.Arif küçəsində 1 məntəqə.
Faktlarla bağlı obyekt sahibləri məsuliyyətə cəlb olunublar, onlarla profilaktik söhbətlər aparılıb.
