Yenilənib: 12:22
Bakıda itkin düşən yeniyetməni qonşusu qətlə yetiribmiş.
Report-un verdiyi məlumata əsasən, istintaq zamanı məlum olub ki, 16 yaşlı Hüseynbala Şeydabəyovun qonşusu 54 yaşlı Babək Quliyev qisas almaq məqsədilə onu döyərək xəsarətlər yetirib, daha sonra iplə boğaraq öldürüb.
Faktla bağlı Sabunçu rayon prokurorluğunda Cinayət Məcəlləsinin “Qəsdən adam öldürmə, yəni digər şəxsi qəsdən həyatdan məhrum etmə” maddəsi ilə cinayət işi başlanıb.
Hal-hazırda cinayət iş üzrə istintaq davam edir.
11:50
Qaradağ rayonunda itkin düşən yeniyetmənin meyiti tapılıb. Bu haqda 10 sentyabr tarixində Bakuplus.az Lent.az-a istinadən xəbər verir.
Sentyabrın 10-da 16 yaşlı Hüseynbala Şeydabəyovun meyiti qəsəbə ərazisindəki məzarlıqda aşkar olunub.
Araşdırma zamanı məlum olub ki, sentyabrın 7-də Lökbatan qəsəbəsində yeniyetmə oğlanı 13 yaşlı sevgilisinin atası qətlə yetirib. Belə ki, qızın atası qəbiristanlıqda Hüseynbalanı iplə boğaraq öldürüb, daha sonra onu həmin ərazidə basdırıb.
Hazırda faktla bağlı araşdırma davam edir.
