Bakının Sabunçu rayonunda atasını qətlə yetirən qızın cinayət işi üzrə istintaq başa çatıb. Bu haqda bu gün, 5 iyul tarixində Bakuplus.az Oxu.az-a istinadən xəbər verir.
Hadisə Maştağa qəsəbəsində qeydə alınıb. Anastasiya Xəlilova ailə-məişət zəminində dava zamanı 37 yaşlı atası Elman Xəlilovu bıçaqlayıb.
Bununla bağlı onun barəsində Cinayət Məcəlləsinin “Qəsdən sağlamlığa ağır zərər vurma – xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə” maddəsi üzrə iş açılıb. Toplanan bütün sənədlər Bakı Ağır Cinayətlər Məhkəməsinə göndərilib.
Məhkəmənin hazırlıq iclası iyulun 16-na təyin olunub.
