Bakının Binəqədi rayonunda ölümlə nəticələn yol qəzası baş verib. Bu haqda bu gün, 29 dekabr tarixində Bakuplus.az istinadən xəbər verir.
“Kia Rio” markalı avtomobilin sürücüsü, Salyan sakini Müslim Saidov hərəkətdə olan zaman idarəetməni itirərək Heydər məscidinin hasarına çarpılıb.
Qəza nəticəsində avtomobildə olan şəxslər sıxılmış vəziyyətdə qalıblar. Əraziyə Fövqəladə Hallar Nazirliyinin əməkdaşları cəlb olunublar. Qəza nəticəsində sürücü və sərnişinlər Nihat Mehdizadə və Xan Şirəliyev xəsarət alıblar. Xilasetmə tədbirləri nəticəsində digər sərnişin Ədalət Hətəmovun meyiti nəqliyyat vasitəsindən çıxarılaraq aidiyyəti üzrə təhvil verilib.
Faktla bağlı araşdırma aparılır.
