Paytaxtın 3 rayonunda avtomobil piyadanı vurub. Bu haqda BakuPlus.az Report-a istinadən bu gün, 14 iyun tarixində xəbər verir.
Yasamal rayonunda yolu keçən 16 yaşlı Mehriban Baxşəliyevanı avtomobil vurub.
Xəstəxanaya çatdırılan yaralıya açıq kəllə-beyin travması diaqnozu qoyulub.
Paytaxtın Səbail rayonunda analoji hadisə qeydə alınıb. 30 yaşlı Məryəm Atayeva yolu keçərkən onu avtomobil vurub.
Xəzər rayonu, Binə qəsəbəsində isə yolu keçən 28 yaşlı Sahil Səmədov avtomobilin vurması nəticəsində xəsarət alıb.
Yaralılar müxtəlif dərəcəli xəsarətlərlə xəstəxanaya çatdırılıblar.
Hər üç faktla bağlı araşdırmalar davam edir.
