Bakının Nərimanov rayonunda yerləşən evlərin birində 4 nəfər kişini soyublar. Bu haqda bu gün, 6 aprel tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, hadisə martın 22-də baş verib. Bakı sakini V.Əliyevin 140 manat pulu və 2 ədəd mobil telefonu quldurluq yolu ilə talanıb.
Nərimanov RPİ 17-ci Polis Şöbəsi əməkdaşlarının keçirdikləri əməliyyat tədbiri nəticəsində şübhəli bilinən paytaxt sakinləri - Vüqar Rzayev, Zahid Hüseynov, qardaşı Fərahim və bir yeniyetmə müəyyən olunaraq saxlanılıblar. Araşdırma davam edir.
