Paytaxt ərazisində iki oğurluq hadisəsi qeydə alınıb. Bu haqda Report.az DİN-ə istinadən məlumat yayıb.
Nərimanov rayonunda keçirilən əməliyyat zamanı Bakı şəhər sakini R.Əbilov 4000 manat dəyərində qızıl-zinət əşyaları oğurlamaqda şübhəli bilinərək saxlanılıb.
Digər əməliyyat Nizami rayonunda keçirilib. Bakı şəhər sakini E.Mustafayevin üzərindən heroin aşkar edilib. Araşdırmalar zamanı onun fərqli müəssisələrdən ümumilikdə 6250 manat dəyərində tütün məmulatları, mobil telefon və ətir oğurlayıb.
Faklarla bağlı araşdırmalar davam edir.
4 oktyabr 2021-ci il tarixində Daxili İşlər Nazirliyinin verdiyi məlumata əsasən son sutka ərzində ölkə ərazisində 41 nəfər cinayət törətməkdə şübhəli bilinərək saxlanılıb.
