Bakıda 2 qardaş adam öldürərək onu yandırıb. Bu haqda bu gün, 27 dekabr tarixində Bakuplus.az Oxu.az-a istinadən xəbər verir.
Gəncə şəhər sakinləri – 32 yaşlı Xəyal və 37 yaşlı Tuqay Bayramovlar atalarını söydüyü üçün Naxçıvan şəhər sakini, 59 yaşlı Adəm Abdullayevi qətlə yetiriblər.
Məhkəmənin qərarı ilə Tuqay 19, Xəyal isə 18 il müddətinə azadlıqdan məhrum ediliblər.
Təqsirkarlar hökmdən kassasiya şikayəti veriblər. İlkin hazırlıq iclasının vaxtı hələlik təyin edilməyib.
Hadisə 2019-cu ilin noyabr ayında Ceyhun Hacıbəyli küçəsi, 9 ünvanının qarşısında baş verib. Qardaşlar əllərində mətbəx bıçağı və dəmir parçası ilə Adəm Abdullayevin yanına gəliblər. Onlar öncə küt alətlə Adəmin bədəninə müxtəlif zərbələr vurub, sonra onu bıçaqlayıblar.
Daha sonra A.Abdullayevi Nərimanov rayonu, Nurəddin Süleymanov küçəsi 1 ünvanındakı boş əraziyə gətiriblər. Daha 2 zərbə vuraraq onun ölməsinə tam əmin olduqdan sonra təqsirkarlar meyiti yandırıblar.
Bundan əlavə, qardaşlar mərhumun içərisində 1000 AZN pul və bank kartları olan pulqabısını oğurlayıblar.
