Paytaxtın Qaradağ rayonunda iki il əvvəl törədilən qətlin üstü açılıb. Bu haqda bu gün, 31 may tarixində Bakuplus.az Daxili İşlər Nazirliyinə istinadən xəbər verir.
28 mart 2020-ci il tarixində İsmayıllı rayonunun Tubukənd kəndində Bakı sakini Rəşad Məmmədovun yanmış meyiti aşkarlanmışdır.
Araşdırma zamanı məlum olub ki, Sabirabad rayon sakini Ümidvar İbişov və Xocalı şəhər sakini Elvin Əliyev narkotikdən asılı olan tanışları R.Məmmədovu xəstəxanaya aparmaq adı ilə Qaradağ rayonuna gətirmiş və avtomobilin salonunda onu boğaraq öldürmüşdülər. Daha sonra onlar cəsədi İsmayıllı rayonuna apararaq orada yandırmışdılar.
Hər iki şübhəli şəxs saxlanılıb. Araşdırmalar davam edir.
