Bakıda adam oğurlamaq və girov götürməkdə təqsirləndirilən Ruslan Əsgərov, İsmayıl Bədəlov, Elşən Məmmədrzayev, İslam Bayramov və Kamil Qədimova hökm oxunub. Bu haqda bu gün, 5 noyabr tarixində Report məlumat verib.
Cinayət işinə Bakı Ağır Cinayətlər Məhkəməsinin hakimi İlham Mahmudov tərəfindən baxılıb. Onun qərarına əsasən, R.Əsgərov, İ.Bədəlov, E. Məmmədrzayev və İ.Bayramovun hər biri 11 il, K Qədimov isə 10 il 6 ay müddətinə azadlıqdan məhrum ediliblər.
Dəstə üzvləri maddi gəlir əldə etmək məqsədilə Mikayıl Mikayılovu qaçıraraq Sabunçu rayonundakı evdə girov saxlayıblar. Daha sonra oğlunun azadlığa buraxılması üçün atası Elçin Mikayılovdan 30.000 dollar tələb olunub. Məbləği aldıqdan sonra Mikayılıov sərbəst buraxılıb. Təqsirləndirilən şəxslər M.Mikayılov girovda olarkən ondan 350 manat da alıblar.
