Xəzər rayonunda yerləşən təcridxanaya narkotik vasitələrinin keçirilməsi cəhdinin qarşısı alınıb. Bu haqda 10 noyabr tarixində Penitensiar Xidmətinin mətbuat xidməti məlumat yayıb.
Şüvəlan qəsəbəsində yerləşən 3 saylı İstintaq təcridxanasına Zəhra Mustafayeva yeməyin icərisində xüsusi üsulla gizlədilmiş sellofan bükülülərdə narkotik vasitələrini keçirmək istəyib. Məlum olub ki o, narkotikləri burada həbsdə olan oğluna, Əmir Mustafayeva gətirib. Mustafayevanın gətirdiyi sovqatın içində ümumi çəkisi 0,4127 qram olan narkotik maddə - heroin və ümumi çəkisi 3,089 qram olan psixotrop maddə - metamfetamin aşkar edilib.
Faktla bağlı araşdırma aparılır.
