Paytaxtın Sabunçu rayonu, Bakıxanov qəsəbəsində avtomobil almaq istəyən kişi dələduzun qurbanı olub. Bu haqda bu gün, 13 yanvar tarixində Avtosfer-ə istinadən Bakuplus.az məlumat verir.
Özünü Fariz kimi təqdim edən şəxs sosial şəbəkələrdə “Hyundai Elantra” markalı avtomobilini satması ilə bağlı elan paylaşıb. Avtomobili almaq istəyən Vüsal Quliyev nəqliyyat vasitəsinə baxaraq onu almaq istədiyini bildirib.
Növbəti gün Quliyev satıcı ilə görüşərək ona 3500 manat pul verib. Pulu alan Fariz evə gedib qayıdacağını, sonra Vüsalla DYP-yə gedəcəyini, hətta ona istədiyi nömrəni alacağını bildirib. Lakin Vüsal nə qədər gözləsə də, Fariz gəlməyib, telefona da cavab verməyib.
Aldadıldığını görən kişi polisə müraciət edib. Sabunçu RPİ 13-cü PB əməkdaşlarının keçirdikləri əməliyyat nəticəsində dələduzluğu törətməkdə şübhəli bilinən özünü Fariz kimi təqdim edən Anar Şəfiyev saxlanılıb.
Zərərçəkənə dəymiş ziyan tam ödənilib.
