Bakının Xətai rayonunda avtomobil iki qadını və onların uşaqlarını vurub. Bu haqda bu gün, 26 may tarixində Report məlumat verib.
Hadisə gecə saatlarında baş verib. 29 yaşlı Adilə Dünyamalıyeva, onun övladı, 2 yaşlı Banu Dünyamalıyeva, qohumları - 31 yaşlı Türkan Hacıyeva və 1 yaşlı övladı Sabir Hacıyev yolun piyadalar üçün qadağan olunmuş hissəsindən keçərkən onları avtomobil vurub.
Zərərçəkmişlər xəstəxanaya çatdırılıb. Müayinə zamanı Adilə Dünyamalıyevaya baş-beyin silkələnməsi və burunun sınığı, Türkan Hacıyevaya isə sağ almacıq sümüyünün sınığı və baş-beyin silkələnməsi diaqnozu qoyulub.
Faktla bağlı araşdırma aparılır.
