Bakının Nizami rayonu, Ş.Mirzəyev küçəsində yerləşən avtoyuma məntəqəsində olan avtomobildən oğurluq edilib. Bu haqda bu gün, 14 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə iyunun 11-də baş verib. Polisə daxil olan məlumata görə, “Chevrolet” markalı avtomobildən 5000 manat dəyərində qol saatı oğurlanıb.
Nizami Rayon Polis İdarəsinin 25-ci Polis Şöbəsinin əməkdaşları tərəfindən aparılan əməliyyat tədbirləri nəticəsində əməli törətməkdə şübhəli bilinən Bakı şəhər sakini, əvvəllər məhkum olunmuş Elşad Məmmədov saxlanılıb.
Faktla bağlı araşdırma aparılır.
