Bakıda idarə etdiyi avtomobillə azyaşlını vuran şəxs hadisə yerindən uzaqlaşıb. Bu haqda BakuPlus.az bu gün, 19 iyul tarixində xəbər verir.
Ötən gün Nəsimi rayonu, Hüseyn Seyidzadə küçəsində şəxsiyyəti hələlik məlum olmayan sürücü idarə etdiyi avtomobillə azyaşlını vuraraq hadisə yeridən yayınıb.
Zərərçəkən və şahidlərin sözlərinə əsasən, hadisə azyaşlının yolu anası ilə piyada keçidindən keçərkən baş verib.
Qəza nəticəsində xəsarət alan azyaşlıya ətrafdakılar ilkin tibbi yardım göstərib. Yaralı təcili tibbi yardım vasitəsilə xəstəxanaya çatdırılıb.
Faktla bağlı Daxili İşlər Nazirliyinə məlumat verilib, araşdırma aparılır.
