Qaradağ RPİ 10-cu PB-nin əməkdaşları paytaxt sakinləri Kənan Əhmədov, Novruz Əsədov və Eldar Hüseynovu saxlayıblar. Həmin şəxslər Lökbatan qəsəbəsindəki ticarət mərkəzlərinin birində gizli şəkildə səs-küy yaradan pirotexniki vasitələrin satışını təşkil ediblər. Mağazalara baxış zamanı pirotexniki vasitələr aşkar edilərək götürülüb. Bu barədə Daxili İşlər Nazirliyinin mətbuat xidmətindən məlumat verilib.
Novruz Əsədov və Eldar Hüseynov bundan əvvəl də eyni əməli törətdiklərinə görə saxlanılmış və barələrində qanunvericiliyə uyğun olaraq inzibati tənbeh tədbirləri tətbiq edilmişdir.
Bununla bağlı satıcılar barəsində satışı qadağan olunmuş məhsulların satılması ilə bağlı protokol tərtib edilərək məhkəməyə göndərilib.
