Bakıda cərimə meydançasına aparılan avtomobil qarət edilib. Bu haqda bu gün, 4 oktyabr tarixində Bakuplus.az Xəzər Xəbərə istinadən məlumat verir.
Şirvan şəhər sakini Yusif Qarayevin avtomobilini polis saxlayaraq nəqliyyat vasitəsinə həbs qoyub. Bir müddət sonra sahibi nəqliyyat vasitəsini cərimə meydançasından götürməyə gəlib və avtomobilin qapılarının sındırıldığını görüb.
Y.Qarayevin sözlərinə görə, avtomobildən 3 monitor və digər əşyalar oğurlanıb, yan güzgülər qırılıb, lük sökülüb. Ümumilikdə nəqliyyat vasitəsinə 5000 AZN ziyan dəyib.
Daxili İşlər Nazirliyindən bu cür hadisənin paytaxt ərazisində ilk dəfə baş verdiyi və faktla bağlı araşdırma aparıldığı bildirilib.
