Bakı məktəbində bıçaqlanma hadisəsi olub. Xəzər rayonu, Buzovna qəsəbəsi, Albalıq dayanacağı, keçid 1349 ünvanında yerləşən 322 nömrəli orta məktəbin 11-ci sinif şagirdi məktəbin həyətində bıçaqlanıb.
Bu barədə BizimMedia məlumat yayıb.
Məlumatda qeyd edilir ki, hadisə şahidləri qan içində olan şagirdin təcili yardım maşını ilə xəstəxanaya çatdırıldığını görüblər.
Hələlik şagirdin kim tərəfindən bıçaqlanması və vəziyyətinin necə olması barədə məlumat yoxdur.
322 nömrəli məktəbin direktoru Taleh Şahbazov faktı təsdiqləyib. Onun sözlərinə görə, bıçaqlanma hadisəsi dərsdən kənar vaxtda baş verib.
