Bakıda dələduzluq edən vəzifəli şəxs azadlığa buraxılıb. Bu haqda bu gün, 5 may tarixində Bakuplus.az Oxu.az-a istinadən xəbər verir.
Məhkəmənin qərarı ilə Türkan qəsəbəsi bələdiyyəsinin keçmiş sədri Mehman Ağayev sınaq müddəti təyin edilməklə şərti cəzaya məhkum edilib. O, məhkəmə zalından azadlığa buraxılıb. Torpaq alqı-satqısı ilə məşğul olan Qərib Nadirov isə 4 il 3 ay müddətinə həbs olunub.
Sözügedən şəxslər 2 qadını ölmüş şəxs kimi qeydiyyata alaraq dəniz kənarında onlara məxsus torpaqları mənimsəyiblər. Bundan əlavə, onlar Türkan qəsəbəsi və ətraf ərazilərdə də dələduzluq etməkdə ittiham olunurlar.
