Bakıda dəmir yollarından oğurluq edilib. Bu haqda bu gün, 13 aprel tarixində Bakuplus.az Daxili İşlər Nazirliyinə istinadən xəbər verir.
Əvvəllər məhkum olunmuş Böyükağa Hüseynov, onun qohumları Elçin Ağayev və Şükür Salmanov paytaxtın Qaradağ rayonu, Səngəçal-Qobustan dəmir yolu xəttinin 67-ci km-də ümumi dəyəri 10.000 AZN olan 6 ədəd drossel-transformator oğurlamaqda şübhəli bilinirlər. Onlar transformatorların bir hissəsini Bayıl qəsəbəsində yerləşən əlvan metal qəbulu məntəqələrindən birində satdıqlarını bildiriblər.
Faktla bağlı araşdırmalar davam edir.
[caption id="attachment_97113" align="alignnone" width="640"]
Foto Daxili İşlər Nazirliyi[/caption]
