Sabunçu rayonunda dərəyə düşən şəxs xilas edilib. Bu haqda BakuPlus.az Fövqəladə Hallar Nazirliyinin mətbuat xidmətinə istinadən bu gün, 27 oktyabr tarixində xəbər verir.
Bakıxanov qəsəbəsi, Rüstəm Rüstəmov küçəsində Salman Hüseynov restoranın həyətyanı sahəsinə çəkilmiş hasarın üstündən yıxılaraq təxminən 10 metr dərinliyi olan dərəyə düşüb və müxtəlif dərəcəli bədən xəsarətləri alaraq köməksiz vəziyyətdə qalıb.
Hadisə yerinə FHN-in Xüsusi Riskli Xilasetmə Xidmətinin xilasediciləri cəlb ediliblər.
Xilasedicilər operativ olaraq xüsusi xilasetmə vasitələri ilə S.Hüseynovu dərədən çıxarıb təcili tibbi yardım briqadasına təhvil verərək xilas ediblər.
[caption id="attachment_76633" align="alignnone" width="640"]
Foto FHN-in rəsmi saytı[/caption]
