Bakıda güclü külək bir sıra fəsadlar yaradıb. Bu haqda bu gün, 28 dekabr tarixində Bakuplus.az Oxu.az-a istinadən xəbər verir.
Bakı Şəhər Yaşıllaşdırma Təsərrüfatı Birliyinin verdiyi məlumata əsasən, gecə saatlarından bu dəqiqələrə qədər külək səbəbindən paytaxt ərazisində 27 ağac aşıb.
Təbiət hadisəsi nəticəsində bir sıra nəqliyyat vasitələrinə maddi ziyan dəyib. “Azərişıq”dan verilən məlumata əsasən isə əhalinin elektrik enerjisi ilə təminatında hər hansı problem qeydə alınmayıb.
Ekologiya Nazirliyi küləkli havanın gün ərzində davam edəcəyini bildirib.
