Sutka ərzində paytaxt ərazisində piyadanların xəsarət alması ilə nəticələnən dörd yol-nəqliyyat hadisəsi qeydə alınıb. Bu haqda Report xəbər verib.
Nərimanov rayonunda 34 yaşlı Kamran İbrahimov yolu piyadalar üçün nəzərdə tutulmayan yerdən keçərkən onu avtomobil vurub. Yaralı vəziyyətdə xəstəxanaya çatdırılan piyadaya açıq kəllə-beyin travması və bədənin müxtəlif dərəcəli əzikləri diaqnozları qoyulub.
Paytaxtın Xətai rayonunda avtomobil yolu keçməyə çalışan 22 yaşlı Fərhad Məmmədovu vurub. Hadisə yerinə təcilli tibbi yardım briqadası gələrək yaralını xəstəxanaya yerləşdirib.
Oxşar hadisələr Suraxanı və Yasamal rayonlarında da baş verib.
Suraxanı rayonunda 24 yaşlı Pakizə Paşayevə yolu keçmək istəyərkən onu avtomobil vurub. Yaralı təcili tibbi yardımın köməyilə xəstəxanaya aparılıb. Ona sol bazu sümüyünün yerdəyişən sınığı diaqnozu qoyulub.
Bakının Yasamal rayonu ərazisində isə yolu keçən təqribən 45-50 yaşlı kişini avtomobil vurub. Xəstəxanaya çatdırılan yaralıya müayinə zamanı qapalı kəllə-beyin travması və bədənin ağır dərəcəli travma diaqnozları qoyulub. Komada olan yaralının kimliyi bəlli deyil.
Hadisələrin təfərrüatları araşdırılır.
