Bu gün, 28 dekabr tarixində Bakıda yol-nəqliyyat hadisələrində iki qadın xəsarət alıb. Bu haqda Report məlumat verib.
Suraxanı rayonu, Hövsan qəsəbəsində 23 yaşlı Almina Əliyeva yolu keçərkən onu avtomobil vurub. Hadisə yerinə təcili tibbi yardım cəlb olunub, yaralı sol üzdə almacıq sümüyünün sınığı ilə xəstəxanaya çatdırılıb.
Daha bir oxşar hadisə Nizami rayonunda baş verib. 52 yaşlı Lətafət Nəzərovanı motosiklet vurub. Qadın tibbi yardım tərəfindən burunun sınığı diaqnozu ilə xəstəxanaya çatdırılıb.
Hər iki faktla bağlı araşdırma aparılır.
