Bakının müxtəlif rayonlarında gecə saatlarında 3 piyada vurulub. Bu haqda bu gün, 8 iyul tarixində Report məlumat verib.
Xətai rayonunda avtomobil yolu keçən 38 yaşlı Maksim Letovçenkovu vurub. Hadisə yerinə təcili tibbi yardım cəlb olunub. Yaralı müştərək travma diaqnozu ilə xəstəxanaya çatdırılıb.
Nərimanov rayonunda 26 yaşlı Murad Əlizadə yolu keçərkən onu avtomobil vurub. Yaralı təcili tibbi yardımın köməkliyi ilə xəstəxanaya çatdırılıb.
Daha bir hadisə Xəzər rayonu, Mərdəkan qəsəbəsində qeydə alınıb. Avtomobil yolu keçən 42 yaşlı Altay Abdullayevi vurub. Təcili tibbi yardımın köməkliyi ilə xəstəxanaya çatdırılan kişiyə sol bazu sümüyünün yerdəyişən sınığı diaqnozu qoyulub.
Hər üç faktla bağlı araşdırma aparılır.
