Bu gün, 16 iyun gecə saatlarında paytaxtın Nizami rayonunda zəncirvari qəza nəticəsində 7 nəfər xəsarət alıb. Bu haqda APA məlumat verib.
“Mercedes Gelandewagen” markalı avtomobilin sürücüsü Bəkir Çobanzadə küçəsi ilə yüksək sürətlə hərəkətdə olarkən idarəetməni itirib. Bu zaman avtomobil qarşıdan gələn “Mercedes” markalı mikroavtobusla, daha sonra isə “Opel” markalı maşınla toqquşub.
Qəza nəticəsində 7 nəfər xəsarət alıb, iki avtomobilə ciddi maddi ziyan dəyib.
Yaralılar 3 saylı Şəhər klinik xəstəxanasına yerləşdirilib. Bir müddət sonra xəsarət alan 7 nəfərdən dördünə ilkin tibbi yardım göstərilərək evə buraxılıb. 3 nəfərin isə vəziyyəti ağır olduğu üçün xəstəxananın reanimasiya şöbəsinə yerləşdirilib.
Faktla bağlı araşdırma aparılır.
[caption id="attachment_48670" align="alignnone" width="800"] Foto Apa.az saytı[/caption]
