Bakının Qaradağ rayonu, Qobustan qəsəbəsində Çin vətəndaşı faciəli şəkildə ölüb. Hadisə ilə bağlı cinayət işi açılıb. Bu haqda bu gün, 2 avqust tarixində Bakuplus.az Baş Prokurorluğun mətbuat xidmətinə istinadən məlumat verir.
Hadisə ötən gün saat 08:00 radələrində baş verib. 49 yaşlı Ren Zhanmın onunla eyni şirkətdə operator-sürücü vəzifəsində işləyən Vüqar Cəfərovla birgə Qobustan qəsəbəsində yolda olan maneəni qaldırmaq istəyərkən teleskopik yükləyicinin hissələri arasında qalıb. Kişi aldığı xəsarətlərdən dünyasını dəyişib.
Faktla bağlı Qaradağ rayon prokurorluğunda “ehtiyatsızlıqdan adam öldürmə” maddəsi ilə cinayət işi başlanılıb. İstintaq aparılır.
