Bakıda naməlum şəxs intihara cəhd edərək özünü dənizə atıb. Bu haqda BakuPlus.az Fövqəladə Hallar Nazirliyinə istinadən bu gün, 8 aprel tarixində xəbər verir.
Şəxsiyyəti hələ məlum olmayan bir nəfər Xəzər rayonu ərazisində (ən yaxın sularda xilasetmə məntəqəsindən təqribən 50 metr aralı, nəzarətsiz ərazi) intihar məqsədilə özünü dənizə atıb.
Dərhal hadisə yerinə cəlb olunan FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasedicilərinin çevik müdaxiləsi nəticəsində vətəndaş xilas edilərək aidiyyəti üzrə təhvil verilib.
