Paytaxtın Nərimanov rayonu, Akademik Həsən Əliyev küçəsində güclü külək səbəbindən ağac qırılaraq avtomobilin üzərinə düşüb. Bu haqda bu gün, 23 may tarixində RealTV məlumat verib.
Hadisə nəticəsində binanın qarşısında dayanan “Nissan” markalı avtomobilə ciddi ziyan dəyib. Nəqliyyat vasitəsinin sahibi Xalid Neymətzadənin sözlərinə görə, aşan ağac çürümüş olduğuna görə illərdir ki, ətrafdakılara təhlükə yaradırdı.
Sakinlər məsələ ilə bağlı cavabdeh qurumlara kifayət qədər müraciət ediblər. Lakin zamanında heç bir tədbir görülməyib.
Maşının üzərinə düşən ağac Bakı şəhər Yaşıllaşdırma İdarəsi tərəfindən hissələ doğranaraq ərazidən götürülüb. Qəzayə uğrayan avtomobil isə evakuator vasitəsilə müvəqqəti dayanacağa aparılıb.
