Bakının Qaradağ rayonu ərazisində iki oğurluq hadisəsi qeydə alınıb. Hadisəni törətməkdə şübhəli bilinən şəxslər saxlanılıb. Bu haqda bu gün, 30 mart tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Qaradağ rayon polis idarəsinin əməkdaşları tərəfindən keçirilən əməliyyat tədbirləri nəticəsində rayonun şirkətlərindən birinin həyətindən 3000 manat dəyərində elektrik kabeli oğurlamaqda şübhəli bilinən Sahil kənd sakinləri R.Fərzəliyev, E.Zahidov və Q.Cavadov müəyyən edilərək saxlanılıblar.
Rayon ərazisində daha bir oğurluq hadisəsi qeydə alınıb. Qızıldaş qəsəbəsi ərazisindəki yaşayış binasının həyətindən ümumi dəyəri 12.000 manat olan elektrik transformatoru, 5 mühərrik, 2 qaynaq aparatı, karxana üçün dəmir borular və digər ehtiyat hissələrini oğurlamaqda şübhəli bilinən Biləsuvar rayon sakini Ə.Əliyev saxlanılıb.
Hər iki faktla bağlı Qaradağ Rayon Polis İdarəsinin 38-ci Polis Bölməsinin əməkdaşları araşdırma aparır.
