Bakının Suraxanı rayonunda Daxili İşlər Nazirliyi Baş Narkotiklərlə Mübarizə İdarəsi əməliyyat keçirib. Əməliyyat nəticəsində külli miqdarda narkotik vasitə və psixotrop maddənin realizə edilməsinin qarşısı alınıb. Bu haqda BakuPlus.az Daxili İşlər Nazirliyinin (DİN) mətbuat xidmətinə istinadən bu gün, 5 dekabr tarixində məlumat verir.
Keçirilən tədbir zamanı paytaxt sakini İlham Səmədov narkotiklərin qanunsuz dövriyyəsini təşkil etməkdə şübhəli bilindiyi üçün saxlanılıb. Onun üzərində və yaşadığı evdə 24 kiloqram narkotik vasitə, o cümlədən 7 kiloqram heroin, 8 kiloqram marixuana, 6 kiloqram metamfetamin və 3 kiloqram həşiş qətranı aşkar edilib.
İlkin dindirilmə zamanı İlham Səmədov narkotik vasitələri və psixotrop maddələri qaçaqmalçılıq yolu ilə Biləsuvar rayonu ərazisinə gətirməklə əldə etdiyini bildirib. O, onları istintaq altında olan qrupun digər üzvlərinə təhvil vermək üçün Bakıya gətirib. Araşdırmalar nəticəsində sübut olunub ki, İlham Səmədov ölkədə əsas narkotik tədarükçülərindən biridir.
Faktla bağlı Cinayət Məcəlləsinin müvafiq maddəsi ilə cinayət işi açılıb, İlham Səmədov barəsində həbs-qətimkan tədbiri seçilib. Həmin şəxsin aid olduğu narkotik şəbəkəsinin digər üzvlərinin tutulması istiqamətində əməliyyat tədbirləri davam etdirilir.
2022-ci ilin əvvəlindən bu günədək daxili işlər orqanları tərəfindən qanunsuz dövriyyədən 3 ton 320 kiloqram müxtəlif növ narkotik vasitə və 323 kiloqram psixotrop maddə aşkar edilərək götürülüb.
[caption id="attachment_81819" align="alignnone" width="640"]
Foto DİN-in rəsmi Youtube kanalı[/caption]
