Bakının Sabunçu rayonu, Maştağa qəsəbəsində dekabrın 29-u saat 21:00 radələrində qətl hadisəsi baş verib. Bu haqda bu gün, 30 dekabr tarixində Bakuplus.az Baş Prokurorluq və Daxili İşlər Nazirliyinin mətbuat xidmətlərinə isitinadən məlumat verir.
Hadisə yerinə polis əməkdaşları və ekspert-kriminalist cəlb olunublar. İlkin araşdırmalara görə, 51 yaşlı Elxan Ələsgərov şəxsi münasibətlər zəminində aralarında yaranmış mübahisə zamanı kəsici-deşici alətlə arvadı Mahidə Əsədovaya xəsarətlər yetirərək öldürüb, daha sonra həmin alətlə intihar edib.
Faktla bağlı Sabunçu rayon prokurorluğunda Cinayət Məcəlləsinin “qəsdən adam öldürmə” və “özünü öldürmə həddinə çatdırma” maddələri üzrə cinayət işi açılıb. İstintaq davam edir.
