Bakıda qadın intim görüntüləri ilə şantaj edilib. Bu haqda 4 iyul tarixində Bizim.media xəbər verib.
Paytaxt sakini Vüsal İsmayılov Nəcibə (şərti ad) adlı qadınla Səbail rayonunda intim əlaqədə olub və bu prosesi telefona çəkib. Daha sonra Nəcibənin videosunu sosial şəbəkələrdə yaymamaq üçün onu şantaj edib və qadını dəfələrlə onunla intim əlaqəyə girməyə məcbur edib.
İsmayılovdan asılı vəziyyətə düşən Nəcibə onun dediklərinə əməl edib. Lakin bir müddət sonra hədələrindən bezərək, onun barəsində hüquq-mühafizə orqanlarına şikayət edib.
Vüsal saxlanılıb və onun barəsində Cinayət Məcəlləsinin “Seksual xarakterli hərəkətlərə məcbur etmə” maddəsi ilə ittiham elan edilib. Yaxın günlərdə bu iş üzrə məhkəmə prosesi başlayacaq.
