Bakının Yasamal qəbiristanlığında dəfn olunan Əməkdar artist Nəcibə Behbudovanın məzarı dağılıb. Bu haqda bu gün, 5 dekabr tarixində Bakuplus.az Baku TV-yə istinadən məlumat verir.
Yasamal Bələdiyyəsindən bildirilib ki, hadisə güclü külək nəticəsində baş verib.
“Güclü külək nəticəsində daş aşıb. Burada köhnə qəbirlər çoxdur, amma ilk dəfədir ki, belə hal baş verib”, – deyə bələdiyyənin nümayəndəsi qeyd edib.
O, həmçinin əlavə edib ki, dağılmış başdaşı yenisi ilə əvəz olunacaq.
Müğənni Rəşid Behbudovun bacısı Nəcibə Behbudova 1999-cu ildə dünyasını dəyişib. O, “Bəyin oğurlanması” filmində Bibixanım obrazını canlandırıb.
