Paytaxtda yanğın hadisəsi baş verib.
Bakuplus.az Fövqəladə Hallar Nazirliyinə istinadən xəbər verir ki, hadisə Nizami rayonu, Ə.Vəliyev küçəsində qeydə alınıb. Yanğın nəticəsində ümumi sahəsi 3250 kv.m olan bir dam altında tikilmiş müxtəlif təyinatlı obyektlərdən mebel sexinin taxta atmaları 400 kv.m və içərisindəki mebel əşyaları 100 kv.m sahədə yanıb. Həmçinin avtomobil təmiri sexi 100 kv.m sahədə və sexdəki avtomobilin yanar hissələri, avtomobil ehtiyat hissələrinin satışı sexinin dam örtüyü 20 kv.m sahədə və açıq əraziyə yığılmış mebel avadanlıqları 40 kv.m sahədə yanıb.
Əraziyə FHN-nin əməkdaşları cəlb olunublar. Obyektin böyük hissəsi, həmçinin təmirə dayanmış 5 ədəd avtomobil və avtomobil ehtiyat hissələri yanğından mühafizə olunub. Xəsarət alan olmayıb.
