Bakının iki rayonunda polis əməkdaşları tərəfindən narkotik vasitələr aşkar edilərək ələ keçirilib. Bu haqda bu gün, 8 iyun tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Yasamal Rayon Polis İdarəsinin 27-ci polis bölməsinin əməkdaşları tərəfindən Salyan rayon sakini H.Mikayılovdan marixuana, Bakı şəhər sakini, əvvəllər məhkum olunmuş E.Ağayevdən isə 1 kiloqram 510 qram heroin aşkar edilərək götürülüb.
Suraxanı rayonunda isə polis əməkdaşları Hövsan qəsəbə sakini E.Məmmədovun həyətində kultivasiya yolu ilə yetişdirilmiş 299 ədəd çətənə kolu aşkar edilib.
Faktlarla bağlı araşdırma aparılır.
