Bakının Yasamal rayonu, Məhəmməd Xiyabani küçəsində yerləşən oyun zalından oğurluq edilib. Bu haqda bu gün, 26 sentyabr tarixndə Bakuplus.az Baku.ws-ə istinadən məlumat verir.
Oyun zalına daxil olan gənc kişi 450 manatlıq “Play Station 3” oyun aparatını oğurlayaraq hadisə yerindən uzaqlaşıb. Onun əməli müşahidə kameraları vasitəsilə lentə alınıb.
Daxili İşlər Nazirliyinin mətbuat xidmətindən bildirilib ki, faktla bağlı araşdırma aparılır.
